Благодарственное Страстей Христовых воспоминание. Святитель Димитрий Ростовский

Святитель Димитрий Ростовский. Благодарственное страстей Христовых воспоминание и молитвенное размышление, паче оных молитв зело полезное, еже должно во все пятки совершати. Начало сице: Благословен Бог наш: аще же инок, или мирянин: Молитвами святых отец наших: Тоже: Слава Тебе, Боже наш, слава Тебе. Царю Небесный: Трисвятое По Отче наш: Господи помилуй, 12. Слава, и ныне: Приидите, поклонимся: трижды. Помилуй мя, Боже: Верую во Единого Бога Отца: По сем глаголи стихи сия. «О коль сладки и коль красны шествия Твоя, Сыне Божий, сшедый с небес: иский бо заблудшее овча, человека согрешивша, многие безчисленные труды, многия сотворил еси путешествия. По сих же пришел еси на страсть и смерть вольную: о нихже, Содетелю и Искупителю мой, благодарение Ти от всего сердца моего возсылаю».